-- Advertisements --
TACLOBAN CITY – Arestado an usa nga Brgy. Kagawad ha gindumara nga buy-bust operation ha Brgy, Canap San Miguel, Leyte.
Ginkilala an suspek kan Ricky Taala Cuenza, 45 anyos an pangidaron, Brgy. Kagawad, active lay minister, ngan residente han mao nga barangay.
Sumala kan PMaj. Edfardo De Asis, Chief of Police han San Miguel Municipal Police Station, usa nga high-valued target an suspek kun diin damo pa daw an kontak hine ha gawas han ira bungto.
Nakuha haiya an maabot ha pito ka-gramo nga droga nga nagkakantidad hin maabot ha P47,600.
Mababaruan nga madugay na an suspek nga nagbubuhat han pagtaga-droga pero umundang ine dida han pagsulod han nakalabay nga administrasyon ngan bumalik la utro dida han pagbalyo na han administrasyon.
