TACLOBAN CITY – Nakaangkon hin gold medal an usa Birthday Boy ha guin apihan na mulay han boxing ha guindumara na Palarong Pambansa 2018 ha Vigan City.
Sumala kan Caasi Salvador, 16 anyos an pangidaron, residente han Naval, Biliran na malipayon ini na kadungan han iya birthday in nakarawat liwat hini an pasidungog kumo kampeon ha mulay na boxing na iya naman guinkokonsidera na talagsaon na regalo.
Guinpahayag pa ni Salvador na duro an guin agian hini na training ugsa na sumabak ha mulay ha Palarong Pambansa, rason na mas nagpursige ini na makab-ot an kamalinampuson.
Mababaruan na hi Salvador in usa na Biliranon pero guinkuha ini han Leyte Sports Academy mahitungod ha pagiging disiplinado hini na athleta.
Basar ha pinakaurhi na resulta han paisan-isan, nakakauha na hin 26 ka bugos na medalya an Sinirangan Bisayas kun diin lakip na hini an 8 na gold medal, 10 na silver medal ngan 8 na bronze medal.
