TACLOBAN CITY – Nagpapadayon an gindudumara han Bureau of Fisheries and Aquatic Resources Eastern Visayas nga panhatag hin fuel discount card ha mga paru-pangisda,
Sumala kan Bureau Of Fisheries And Aquatic Resources Eastern Visayas Information Officer, Christine Gresola, an fuel discount card nga ira ginpapanhatag ha mga paru-pangisda in may-ada sulod nga P3,000 balor han presyo han gasolina nga pwede naman gamiton ha ira pakabuhi nga pangisda.
Target naman nga magatan an maabot ha 14,461 nga mga paru-pangisda ha rehiyon yana ha ikatulo nga tranche.
Samtang, ada naman ha 7,987 an natagan na hin fuel discount card ha ira padayon nga panahatag.
Sumatotal, maabot na ha P23.9 milyon an kabug-usan nga kantidad han mga naipanhatag nga discount card ha mga paru-pangisda pinaagi han nasabi nga programa ha ilarom han ika-tulo nga tranche.
Ha pagkayana, ada pala ha 55.23% an ira natagan han discount cards sanglit padayon pa gihapon an ira panhatag agud makakuha an ngatanan han mga rehistrado nga paru-pangisda ha rehiyon.
