TACLOBAN CITY– Ginpahibaro han Bureau of Fisheries and Aquatic Resources BFAR Eastern Visayas, nga nagpapabilin la gihapon an Shellfish ban ha pira nga mga kabaybayunan ha rehiyon.
Sumala kan Cristine Gresola, Information Officer han BFAR Eastern Visayas, gindidire la anay nga kumuha, magbaligya ngan kumaon hin bisan anu nga pangti-on ha kadagatan han : Daram Island Samar, Zumaraga Island Samar, Cambatutay Bay, (Tarangnan Samar), Matarinao Bay (General MacArthur, Quinapondan, Hernani, ngan Salcedo), ngan Cancabato Bay dinhi ha Tacloban.
Gin-abisuhan ni Gresola an publiko, nga hino man an tumalapas ha nasabi nga Shellfish ban, in posible nga mayda ka-atubangon nga penalidad.
Samtang, nagpapabilin la gihapon an LOCAL RED TIDE WARNING ha mga areas nga masunod: Coastal Waters of Biliran Island, Villareal Island, (Villareal Samar), Maqueda Bay Samar (Jiabong, Motiong, Paranas, San Sebastian, Calbiga, Pinabacdao, Hinabangan), Irong-Irong Bay (Catbalogan Samar), Coastal Waters of Calbayog Samar, ngan Carigara Bay (Babatngon, San Miguel, Barugo, Carigara, Capoocan, Leyte).
Ginklaro naman ni Cristine, nga an isda, nu-os ngan masag in pwede nga kaunon, kinahanglan nga hugasan ine hin maupay ugsa nga lutuon.
