TACLOBAN CITY– Maabot ha 1.5 metric tons han mga High-Value Fish Species sugad hiton yellowfin, skipjack tuna, ngan blue mackerel an nakuha ha syahan hine nga test-fishing han F/V DA BFAR 2102 ha Pacific Ocean.
Sumala kan Christine Gresola, Information Officer han Bureau of Fisheries Aquatic Rersources BFAR-8, an F/V DA BFAR 2102 in gin ginpangunahan ine nga gamiton han Northern Samar Pacific Towns Fishermen’s Cooperative (NSPTFC).
An nasabi nga mga nadakop nga isda in ginbaligya la ngahaw ha Lapinig, Gamay, Mapanas, Palapag, ngan Laoang Northern Samar.
Dugang pa han mao nga opisyal, nga naibaligya naman han buhatan hiton BFAR-8 ha barato nga presyo an nasabi nga mga isda hin tag Php60-Php80 per kilo.
Ginpaangbit naman han mao nga opisyal, nga ine nga syahan nga pagprobar han ekspidisyon han F/V DA BFAR 2102 in nakagpakita hin positibo nga outcome ngan potensyal para ha ikakaribhong han pakabuhian han mga parupangisda ha rehiyon partikular na ha Northern Samar.
