TACLOBAN CITY – Nagpahibaro an Bureau of Fisheries and Aquatic Resources BFAR-8 ha publiko, partikular na adton mga estudyante nga karuyag kumuha han Fisheries Scholarship Program han mao nga buhatan, nga maghikay na han ira requirements matungod nga an deadline han submission in yana nga Agusto 26, 2022.
Sumala kan Christine Gresola, Information officer han BFAR-8, nga ugsa an mao nga deadline in kinahanglan makagpasa na an mga aplikante nga mga estudyante nga mag-eenroll.
Ginkikinahanglan la han mga ine nga magpasa han ira mga resikitos ha ira provincial fishery offices o diman ngani ha buhatan mismo han BFAR Regional Office 8, nga nahihimutang ha Marasbaras Tacloban City.
Maabot naman ha 4 katuig an mao nga kurso, kinahanglan graduate hin senior high school, dire malahos ha 25 years old ng an waray pa magpa enroll hin college course.
An covered naman hine nga programa in adton mga anak han mga registered fisherfolks ngan sugadman mga Indigenous cultural communities o adton mga Indigenous people nga waray kapas makapagsuporta ha ira mga anak ha pantag han pag-aram.
