![](https://img.bomboradyo.com/tacloban/2019/07/66617669_439421143575528_650460320099205120_n.jpg)
TACLOBAN CITY – Maabot ha 1,730 an naging kabug-usan nga benepisaryo para han libre nga check up, dental ngan optical han Bombo Radyo Tacloban nga gindumara ha Eastern Visayas State University (EVSU).
Ha mao nga ihap in 581 dinhi para dental, 619 para medikal ngan 280 para optical.
Naabot liwat ha 250 an nakaavail han libre nga extra services sugad han massage ngan Haircut.
Masobra 1Milyon kantidad hin medisina an nalikom han Bombo Radyo Tacloban nga ginpanhatag ha mga benipisaryo.
Labot ha medical ngan dental in naghatag liwat hin libre nga serbisyo sugad han haircut an mga kasundaluhan ngan libre nga massage tikang ha TESDA.
Usa ha mga nakatagamtam hine in an usa nga lagas tikang ha Calbiga Samar nga nagbiyahe pa hin pira ka oras agud nga makabenepisyo han mao nga Bombo Medico.
Sumala pa kan Lola Marcela nga dako nga bulig para ha iya an mga medisina nga hatag ha iya han Bombo Radyo sanglit dako an iya pagpasalamat.