Posible nga huminay ha 2.6% an pag-ursa han ekonomiya han Pilipinas ha ikaduha nga kwarter han tuig-2026, subay University of Asia and the Pacific (UA&P).
Mas hamubo ini ha 2.8% nga nahipatik hadton syahan nga kwarter, mahitungod ha epekto han hitaas nga inflation ngan ibapa nga ayat sugad han nagpapadayon nga kasamok ha Middle East.
Subay ha UA&P, naapektuhan han hitaas nga presyo han mga papliton an paggastos han mga mamaralit ngan pamumuhunan han mga negosyo. Dugang pa hini, huminay gihapon an kumpyansa han mga mamumuhunan mahitungod ha kontrobersiya ha flood control projects ngan paghitaas han presyo han lana.
Ginlalauman naman han UA&P nga magpapabilin nga hitaas an inflation ha nasasalin nga kwarter han tuig, sanglit posible nga magpatuman pa an Bangko Sentral ng Pilipinas hin kadugangan nga 50 basis points nga paghitaas ha interest rates, nga magdadara ha policy rate ha 5.25% ugsa mahuman an 2026.
Samtang, ginlalauman gihapon nga mahinay an piso kontra ha dolyar mahitungod ha hitaas nga inflation, dako nga trade deficit, ngan mas mahugot nga polisiya han US Federal Reserve.
Sugadman, posible maibanan an paghinay han piso kun magpapadayon an pag-ubos han presyo han lana ha world market.
