TACLOBAN CITY – Pormal na nga gin-abrehan ha Barugo, Leyte an pinakasyahan nga eskwelahan nga proyekto nga ginpondohan han Local Government Unit agud nga makabulig ha mga estudyante nga diri na maghinarayo pa para makaeskwela ha Kolehiyo.
Sumala kan College Administrator, Christia Camarillo an mao nga proyekto in simbolo gihapon han determinayson han lokal nga pamunuan para hin dekalidad nga edukasyon para ha mga Kabataan han Barugo.
Signgon han usa nga estudyane nga hi Russel Jay Cabeltis tungod han ginlalauman nga dako nga bulig hini ha ira para diri na kinahanglan pa nga magpakadto hin harayo nga eskwelahan.
Pasalamat liwat an usa nga Nanay tungod nga ha pira na ka dekada an naglabay, yana la nagkaada hin kolehiyo ha Barugo, ha paningkamot ni Mayor Aron Balais.
Samtang, nagkaada na gihapon hin kalugaringon nga water system an mao nga bungto nga kun diin, nasolusyunan na an problema pagtaga tubig nga araba han mga residente nga magkaada na hin surok hin malimpyo nga tubig irimon an mga taga Barugo.
