TACLOBAN CITY – Dakop ha akto an usa nga Barangay Kapitan han Barangay Magsaysay Jipapad Eastern Samar, ha pagdumara hin huygo nga tongits.
Ginkilala an mga suspek kanda Patrick 29-anyos an pangidaron parag-uma, Raul 29-anyos parag-uma, Marcelino 40-anyos parag-uma ngan hi Alfredo 64-anyos Brgy. Kapitan ngan mga residente han Brgy. Magsaysay Jipapad Eastern Samar.
Sumala PLt. Col. Rommel Cecista tagapagyakan hitun Eastern Samar Police Provincial Office, upat nga mga indibidwal an nadakop ha operasyon han mga kapulisan kalakip an Brgy. Kapitan han mao nga lugar.
Basar han inisyal nga imbestigasyon, nakuhaan an mga suspek hin lima kapakete hin playing cards, usa nga gunting, usa ka box nga thumbtacks, usa nga sling bag, ngan kwarta nga nagkakantedad hin Php 643.00.
Ha pagkayana, an mga nakumpiska nga gamit in gindara ha Jipapad Municipal Police station para hitun pormal nga pagpasaka hin kaso han mao nga mga suspek.
