-- Advertisements --
TACLOBAN CITY – Kalungkagong ha presohan an usa nga barangay kapitan mahuman nga madakop ha gindumara nga drug buy-bust operation han mga otoridad ha Barangay Mantahan, Maasin City.
Ginkilala an suspek kan Serafin Omega Jr., residente ngan kapitan han mao nga lugar.
Narekober ha posesyon hini an 8 ka sachet han gintutuuhan shabu nga may estimated market value nga 8,000 pesos.
Naatubang naman ini ha kaso nga pagtalapas han RA 9165 ngan yana in adto na ha kustodiya han Maasin Police Station.
Sumala kan Rogelette Urgel, tagapagyakan han PDEA Region 8, tikang dida han bulan han Hulyo in ada na ha 10 an ira nagkadadakop nga mga high value target nga kun diin 4 dinhi in mga government employees.
