-- Advertisements --

TACLOBAN CITY– Abuyon iton pira nga mga eskwelahan ha ginduduso na balaodnon hiton usa nga senador nga hi Ping Lacson, an gintatawag nga “An Act Regulating the Use of Social Media Platforms by Minors, Imposing Age Restrictions, Providing Penalties for Violations Thereof, and for Other Purposes.”

Sumala kan Dr. Cesar A. Silay Dean of College, ACLC College Tacloban, ha iya opinyon an nasabi nga balaodnon, in makakabulig ha mga estudyante labi na nga advance technology na yana iton panahon.

Dugang pa hine, ine gihapon in makakabulig nga iglikay an mga kabataan ha mga delikado nga content nga nakikit-an nira online, kun diin an iba ha mga ine in nakaka-apekto ha emosyonal ngan mental nga panhuna-huna.

Ginpaangbit pa hine nga angay la igpatuman nga an gadget in for educational purpose only, partikular na ha mga minor de edad.

Nagsuhestyon naman hi Silay, nga makaka-upay gihapon kun mayda nangi-nginano, ngan nag-momonitor nga mga kag-anak ha ira mga estudyante, agud nga malimitaran an mga ine ha ira paggamit han social media.