-- Advertisements --
TACLOBAN CITY – Abri na an BAHANDI Coconut Trade Expo ha usa nga mall ha Marasbaras ha syudad han Tacloban kun diin gin abrihan ine yana nga adlaw.
Sumala kan Anthea Aivi Borbon-Ancheta, Information Officer 3 han Department of Trade and Industry Regional Office 8, an nasabi nga BAHANDI in may-ada 52 nga mga kaapi tikang ha magkaduru-dilain nga probinsya hiton rehiyon 8.
Highlight naman han nasabi nga aktibidad an mga high-valued coconut products han rehiyon kun diin ine an mga produkto nga waray magpabilin kumo silot la o kopra, lugod, nadevelop pa an mga ine kumo iba nga klase hin produkto gamit an lubi.
An nasabi nga aktibidad naman in bulig ha mga parag-uma han lubi nga maibaligya ngan maiparayaw an magkaduru-dilain nga produkto han lubi.
