TOP–27 na an namatay matungod han pagtama han bagyong Uwan ha Pilipinas.
Basar ha datos han National Disaster Risk Reduction and Management Council (NDRRMC) han aga yana nga adlaw, kasagaran ha mga ini kay matungod ha landslide.
Pinakadamo ha mga namatay in nahitala ha Cordillera Administrative Rgion (CAR), kun dii tig-tulo nga labi han mga biktima an narekober tikang ha Mountain Province ngan Kalinga, upat tikang ha Benguet, ngan 9 tikang ha Ifugao.
Sumunodan Region 2 o Cagayan valley na nakahitala hin 3 ka patay.
Tig-usa nga casualty naman an nahitala ha Region 5,6,7,9, ngan usa nga namatay na waray pa ka-tudlok kun dikang diin ini nga probinsiya.
Samtang, umabot ha 36 ka indibidwal an nahitala nga nasamaran habang mayada 2 katawo nga nawawara la gihapon ha CAR.
Ha kabugosan, sumaka na ha sobra 3.5-M ka indibidwal o katumbas hin sobra 1-M kapamilya an apektado tikang ha mga gintama nga rehiyon ha Bicol Region, Ilocos Region , ngan Eastern Visayas.
Ha pagkayana, aada la gihapon ha mga evacuation center an sobra 600-K ka indibidwal o katumbas hin sobra 170,-K kapamilya habang may iba na temporaya nga nag-ibakwit ngan nanuluyan ha mas talwas nga lugar.
