TACLOBAN CITY – Patay an usa nga bag-o nga laya mahuman ini nga pagpusilon ha gawas mismo han ira panimalay ha Barangay Caibaan, Tacloban City.
Sumala kan P/Major Jesus Rico Esoy, Station Commander han San Jose Police station 1, ginkilala an biktima nga hi Jason Cada, 37 anyos, ngan residente han Caibaan Tacloban City.
Subay ha ira pauna nga imbestigasyon nga, mayda usa nga van nga naghihinulat ha gawas han panimalay han biktima ngan pagkauli la mismo han mao nga biktima in gintapo ini han mga nagpaka bonnet nga mga kalalakin-an.
Nakag angkun hin upat nga gunshot wounds an mao nga biktima rasun han iya dayun nga pagkakamatay.
Nabaruan nga hi Cada in bag-o la nga laya dida han nakalabay nga tuig mahuman ini nga mag plea bargain tungod han kaso nga may kalabutan ha Iligal nga droga.
Ginhihingita nga anggulo yana han mga kapulisan an personal nga deleto.
