GUIUAN, EASTERN SAMAR – Pormal na nga inaguraran dida han nakalabay nga adlaw an bag-o nga building han Eastern Samar State Unievesity nga gintatawag nga Maritime Education Building.
Sumala kan Eastern Samar State University President, Dr. Andres Pagatpatan Jr., plano nga gamiton an nasabi nga building para han bag-o nga kurso nga igo-offer han ESSU—an Bachelor of Science in Maritime Transportation.
Dugang pa ni Pagatpatan, ira gintatalinguha nga maabrihan an bag-o nga kurso ugsa magtikang an klase ha masunod nga School Year 2027-2027, kun diin kaupod han ira mga igin aandam in an mga klasrum, lingkuran. simulators, ngan iba pa nga mga ekipahe nga gagamiton han nasabi nga kurso.
Gintatalinguha gihapon nga maabrihan an Marine Tranportation nga kurso mahitungod nga nakitaan ini hin dako nga potensyal han mga lideres han probinsya, kun diin makagpa-gradwar na ngani an iskuylahan hin mga marino ini makakabulig gihapon ini ha pag-ribhong han ekonomiya han lugar.
Nagkakantidad naman an nasabi nga building hin P50 million, an gintitikangan nga laboratory hin P60 million, ngan may-ada gihapon P50 million pa nga pondo an iginhatag para naman han stimulator building
Ginlalauman naman nga dire la mga taga-Eastern Samar an makakatagamtam han pag-aabri han nasabi nga kurso kundi an bug-os nga rehiyon, labi na adton mga istudyante nga nag-uukoy ha kahigrani la nga probinsya.
