METRO MANILA – Ginbaribad ni anay Presidente ngan presente Pampanga Rep. Gloria Macapagal-Arroyo an mga alegasyon nga hiya in dabi ha plano nga balyuan hi House Speaker Faustino “Bojie” Dy III, ngan ginduon an iya padayon nga suporta ha liderato han presente nga tagmangulo han Kamara.
Ha pahayag han anay presidente, ginmalatumat niya nga “categorically deny” niya an mga alegasyon han daw ouster plot kontra kan Dy, mahuman gumawas an mga notisya nga may nagaganap nga pagkiwa agud ini in mapa-iwas.
Dugang pa hini, nagpapabilin an iya pagtapud ha pamumuno ni Dy nga gintagan-duon an ira “mutual support” nga nagtikang pa dida han panahaon han tumalikod nga amay han Speaker.
An isyu in nagawas kaupod an pagaandam han Kamara ha nakatalaan nga impeachment hearing kontra kan Vice President Sara Duterte ha Abril 14, nga naghatag hin dugang nga tensyon ha sakob han Kongreso.
Manunumduman hi Arroyo in may kasaysayan na ha mga speakership fights: dida han 2018, hiya in nagin House Speaker mahuman mapatalsik hi Pantaleon Alvarez ugsa an ikatulo nga State of the Nation Address ni anay Presidente Rodrigo Duterte.
