NATIONAL–Gindiwara ni anay Executive Secretary Lucas Bersamin an pahayag nga nag-buliw ine ha pwesto “out of delicadeza” ngan ginduon nga waray hiya nag-resign ugsa igpagawas han Malacanang an anunsyo.
Sumala kan Bersamin nga an mismo dokumento nga ginpasa niya an surat nga ginpirmahan la niya alas 2 han kulop kun diin siring niya nga ‘I bow to the prerogative of the President’ ngan ginkarawat an pagpapabalyo ha iya kumo Executive Secretary.
Dugang niya kumo ES in maikokonsidera nga dako nga prebelihiyo nga makagserbisyo ha Presidente.
Mahugot gihapon ine nga gindiwara niya an partisipasyon ha kontrobersiya nga may kalabutan ha P52-B nga budget insertions.
Bumaribad naman ine nga bumaton ha mga pamakiana kun gingagamit la hiya nga scapegoat.
Ginsigurado naman ni Bersamin nga andam hiya umatubang nga batonon an mga akusasyon ngan limpyohon an iya ngaran kun may magdemanda kontra ha iya.
Sumala han anay ES, waray na hiya kontrol ha mga kritisismo ha iya ha social media, sanglit mas maupay nga pamatud-an ine ha korte an nasabi na mga akusasyon kaupod na an mga ebidensya.
