TACLOBAN CITY – Nagtutuo hi anay Samar 1st Representative Edgar Mary Sarmiento nga an mga problema ha agrikultura han nasud nga naeeksperyensyahan ha pagkayana in matungod ha dire maupay nga pagplano ngan pagpapatuman han mga balaud para hini.
Nagtitika-guti gihap daw an ihap han mga parag-uma rason para huminay an suplay han iba nga produkto han nasud.
Sumala kan anay Cong. Sarmiento, nagtutuo hiya nga maupay an direksyon rice tarification law pero dire ine fully utilized ngan usa nga sayop adton panmalit han mga makinarya kay dire man daw pwede nga igtapod nala tanan ha mga parag-uma.
Dugang pa hine, kun karuyag daw naton magkamay-ada hin direkyon adton farming ha nasud in kinahanglan nga igpatuman an tinatawag nga consolidated farming kun diin ginpaplanuhan an pagkabug-usan han mga staple food sugad han humay ngan mais.
Basi gihap han obserbasyon in aada na ha mga ma-edad 60 ngan sobra pa adton mga parag-uma ha nasud ngan mga senior citizens na ine.
Dire daw gihapon damo ha mga kabatan-unan adton nag-iinteres han farming tungod nga waray hira nakikit-an nga kabubwason hine.
An mga ini in sadang daw nga tutukan han gobyerno agud nga makaaghat ha pagpadamo han ihap han mga parag-uma ha nasud.
