-- Advertisements --
NATIONAL NEWS- Gin-aghat ni PHIVOLCS Senior Science Research Specialist Johnlery Deximo an publiko nga dire baliwarayon an mga aftershocks tikang ha 6.9 magnitude nga linog ha Bogo, Cebu.
Posible mangud nga marumpag an mga istraktura nga waray mahirumpag han umigo an linog.
Pira ha mga ginkikita nga factors an mga pag-uran nga nagpapaluya hiton pundasyon han tuna ngan an agsob nga pagbay-og partikular na ha nasabi nga lugar.
Ha datos han Phivolcs, umabot na ha haros 4,000 an naitala nga aftershocks.
Ada naman ha 806 ha mga ine an na-detect han ira monitoring facility.
An kusog han aftershocks in tikang ha magnitude 1.0 – magnitude 5.1.
Ginlalauman nga magpapadayon pa ine kutob ha masunod nga semana.
