Nadugangan pa an ihap han mga personnel nga igindeploy yana nga Undas, tikang ha 141,172 nga personnel in nagin 166,365 na ini, subay ha Philipppine National Police (PNP).
Ginbubug-os an nasabi nga ihap han 78,952 nga kapulisan kaupod an 20,837 personnel tikang ha iba nga yunit ha AFP, BFP, PCG ngan iba pa ngan 67,524 nga force multipliers.
An nasabi nga mga personahi in nakatutuok ha mga sementeryo, columbria, mga police assistance desk, ha mga balay-simbahan, pangunahon nga kakarsadahan, transportation hubs, tourist destinations, ngan mga checkpoints.
Sumala kan PNP Chief General Jose Melencio Nartatez Jr., an paghitaas han deployment in nagpapakita han padayon nga assesment han PNP ha kiwa han publiko ngan ha panginahanglan han mga nakaposisyon nga personnel para ha ira presensya, maghatag hin seguridad, ngan bulig ha mga nanginginahanglan.
Magpapabilin naman ha Full Alert Status an bug-os nga han-ay han Philippine National Police kutob Nobyembre 3 han alas-12:01 han maagahon.
