Posible nga mas hitaas pa an 7.6 porsyento an inflation rate ha Pilipinas dida han Oktubre, mas hitaas kumpara ha 7.2 porsyento dida han Setyembre.
Ini in subay ha 12 median forecast han 12 nga ekonomista nga nagpahayag nga padayon nga nagpapahitaas ha presyo han mga papliton an pagmahal han pamasahe, kuryente, lana, ngan paghinay han piso.
Subay ha mga ekomista, nagpapadayon an paghitaas han presyo mahitungod ha mas mahal nga gin aangkat nga produkto ngan mga papliton nga naka-subay ha dolyar. Nakakadugang gihapon ha presyur an paghitaas han sweldo ngan pamasahe ha mga bus, jeepneys, taxi, ngan transport network vehicle services. Sugadman, nakabulig naman ha pagpugong ha mas malaksi nga paghitaas han inflation an paghamubo han presyo han bugas, utanon, karne, isda, bunay, ngan asukar.
Sumala kan BPI Lead Economist Emilio Neri Jr., posible lumahon pa ha walo kaporsyento an inflation ha Nobyembre kun magpapadayon an presente nga paghitaas han presyo.
Ginlalauman gihapon han pira nga ekonomista nga posible yana nga Nobyembre in maabot an pinakahitaas nga lebel han inflation yana nga tuig, samtang may iba naman nga nagpapahayag nga posible umabot pa ini ha Pebrero 2027.
Samtang, ginlalauman han kadam-an ha mga ekonomista nga posible pa magpahugot an monetary policy han Bangko Sentral ng Pilipinas agud makontrol an paghitaas han presyo.
Dida han Oktubre 22, ginpahitas-an han BSP ha 50 basis points an benchmark interest rate ha 5.50 porsiyento. Nakatalaan naman an masunod ngan katapusan nga policy meeting hini para ha 2026 ha Disyembre 17.
