Igin kalipay ni House Deputy Speaker ngan Zambales Rep. Jay Khonghun an pagkakaaresto kan Atty. Levito Baligod ngan 14 nga miyembro han grupo nga “maleta boys,” ngan nagpahayag hin pagtapod ha sistema han hustisya agud maresolba an mga alegasyon nga iginbatak kontra ha pira nga opisyal han gobyerno.
Gin aresto an grupo dida han Biyerns, Oktubre 16, ha San Juan Hall of Justice ha bisa han mga warrant nga iginpagawas han Regional Trial Court Branch 69 ha Iba, Zambales.
Naatubang hira ha kaso nga unjust vexation kasumpay han Cybercrime Prevention Act.
Nagtikang an kontobersiya han mga alegasyon han daw pagdudul-ong hin mga maleta nga puno hin salapi ha pira nga opisyal han gobyerno may paghisumpay ha mga kwestyunable nga flood control projects.
Maduon naman nga igindiwara ni Khonghun an pagkakadabi ha nasabi nga alegasyon.
Sumala ha magbabalaod, dire pagbulos, kundi pagdepensa han iya ngaran, pamilya, ngan dignidad an rason han pagpapasaka niya hin kaso kontra ha mga nag-akusa ha iya.
Gintagan-duon gihapon ni Khonghun nga dire nangangaruyag-sidngon hin pagkakasala an pagseserbi han warrant of arrest, mahitungod nga korte la gihapon an magde-dedisyon subay ha ebidensya ngan ginpapatuman nga balaod.
Gin aghat gihapon hini nga dire igdabi an bug-os nga Philippine Marine Corps ha kontrobersiya, ngan iginduon nga an pagbaton han mga indibidwal in dire kinahanglan makaapekto ha reputasyon han mga sundalo nga tangkod nga nagseserbi ha nasud.
