Iginduon ni House private prosecutor ngan legal spokesperson Atty. Benjamin “Jay” Tolosa Jr. nga waray basaranan ha Konstitusyon an panukala nga tanggalon ha pwesto hi Vice President Sara Duterte pero tutugutan la gihapon hiya nga dumalagan ha mga masunod nga piniliay.
Sumala kan Tolosa, nakasurat ha Konstitusyon nga kun mapamatud-an nga nagsala ha impeachment an usa nga opisyal, pwede hiya tanggalon ha pwesto ngan ma-diskwalipika ha pagkapot hin anuman nga posisyon ha gobyerno.
Ha ilarom han Article XI, Section 3(7) han Konstitusyon, an sirot ha impeachment in posible nga umabot ha pagkatanggal ha pwesto ngan diskwalipikasyon ha pagkapot hin pampubliko nga posisyon. Posible gihapon magbaton an opisyal ha bulag nga kaso kriminal.
Gintagan-duon ni Tolosa nga dire nagbabag-o an posible nga sirot bisan kun usa nga artikulo nala an nasasalin ha impeachment case kontra kan Duterte.
Samtang, igindiwara han kampo ni VP Duterte an mga alegasyon ngan ginlalauman nga iglalatag an ira ebidensya ha pagpapadayon han pagdungog ha Senado.
Gin klaro gihapon han prosekusyon nga dire nangangaruyag-sidngon hin pagkakasala an ira mga alegasyon, mahitungod nga an Senate Impeachment Court la ihapon an magde-desisyon subay ha ebidensya ngan Konstitusyon.
