Gin aghat ni House prosecution panel adviser at spokesperson Ace Barbers an mga national security officials nga panginanuon ginsisingabot han China an mga isyu nga pagkakatunga ha pulitika han Pilipinas ha butnga han impeachment trial ni Vice President Sara Duterte ngan mga tensiyon ha West Philippine Sea (WPS).
Sumala kan Barbers, kinahanglan hibaruon kun nahituman la an tyempo han mga gios han China ha kadagatan o kaparte ini han mas haluag nga estratehiya agud pahinayon an pagkakaurusa han mga Pilipino.
Sugadman, gin klaro han anay magbabalaod nga dire suprisyente an pagkakadurungan han mga panhitabo agud pamatud-an nga mayda koneksyon an mga ini. Dugang pa, kinahanglan subay ha matatapuran nga intelligence ngan beripikado nga ebidensya an anuman nga imbestigasyon.
Nagpahimatngon hi Barbers nga posible magamitan han China an duro nga pag-aaway ha lokal nga pulitika kun maililikay hini an atensyon han publiko tikang ha mga istoryahon ha West Philippine Sea.
Gintagan-duon niya nga an impeachment trial in usa nga proseso nga konstitusyunal ngan dire dapat singabuton han iba nga nasud an mga pagkakaiba han mga Pilipino agud igduso an kalugaringon nga interes.
Nananawagan gihapon hi Barbers ha mga Pilipino nga anuman an panig han pulitika, in magpabilin nga mabinantayon kontra ha posible nga pakikialam han mga langyawanon, ngan magkaurusa ha pagdepensa han soberanya ngan nasyunal nga interes han nasud.
