TACLOBAN CITY – Dead on arrival an usa nga 5-anyos nga bata mahuman nga malusmos ha usa nga resort ha Brgy. Salvacion Abuyog, Leyte
Ginkilala an biktima nga usa nga 5-anyos an pangidaron, studyante, ngan residente han Brgy. Sto Niño Abuyog, Leyte.
Sumala kan PMSgt. Frandi Briones, Investigator han Abuyog Municipal Police Station, nakadto han salbabida an biktima han ginbutong ine han iya tiyohon kay bangin mahikadto ine ha halarom nga parte han pool, dida naman han ginbubutong na an biktima in aksidente ine nga nahulog rason para pumailarom ine han salbabida. Dayun naman daw ine nga ginkuha han iya tiyohon pero ginkukurian na ine paghinga.
Gin tagan naman ine hin first aid didto ngan resort ngan dayun nga gin dalagan ha pinakaharani nga ospital pero gin deklara ine nga dead-on-arrival han physician.
Waray naman nakikita nga foul play han mga otoridada ha panhitabo ngan nagtutuo an mga ine nga aksidente an nahitabo ha biktima.
