Ginpapasigurado ni Senate Committee on Agriculture Chairperson Kiko Pangilinan ha National Irrigation Administration an ira kaandaman para ha ginlalauman nga pinakagrabe nga El Nino nga maabatan ha nasud tikang yana nga tuig kutob ha 2027.
Ginpapadagmit han senador an pagpapatuman ngan paghimo hin mga irrigation projects labi na nga ginlalauman nga extreme El Nino phenomenon an maabatan ha nasud.
Ginduon pa han senador nga dire yana an panahon agud magtipid ha kanal, pumps reservoir, communal irrigation ngan panhingayad ngan pantindog han irigasyon.
Ginmalatumat naman ni NIA Administrator Eduardo Guillen nga mas proactive hira yana mahitungod may mga nakalatag hira nga short-term ngan long-term actions ngan mayda gihapon climate adaptation plans agud malikayan an pagmara han mga dams.
