-- Advertisements --
TACLOBAN CITY — Dakop an usa nga pedicab driver nga suspek hin panlugos hin usa nga 4 anyos nga bata ha Brgy Jose Abad Santos Catarman, Northern Samar.
Ginkilala an suspek nga hi Ernesto Aludario alyas Letoy, 56 anyos, nga residente ha mao nga lugar.
Sumala kan PSupt. Jose Manuel Payos, hepe han Catarman PNP, nga pumakadto ha ira stasyon an lola han biktima para igreport an natabo nga panlugos han iya apo ngan iginpatawag an suspek nga kun diin ini in dayon naman nga gintudlok han biktima nga naglugos ha iya.
Ha pagkayana in temporaryo na nga nakapaslak an mao nga suspek Catarman PNP lock up cell ngan maatubang na ha kaangayan nga kaso.
