-- Advertisements --
TACLOBAN CITY – Maabot 34 nga pamilya ngan 123 indibidwal an na rescue han mga otoridad han Almeria Biliran.
Sumala kan Plt. Edwin Simbahon Chief of Police han Almeria Biliran, syahan ine nga nahitabo nga dako nga pagbaha ha mao nga lugar kun diin na rescue an iba nga mga pamilya ngan indibidwal nga mabalhin haira kinamumutangan.
Subay han mao nga opisyal, mga usa ka oras hi tunga han gabi in humabubo na an tubig kun diin nagkabalik an mga pamilya nga na rescue haira tagsa-tagsa nga panimalay.
Waray naman nahipatik nga casualties ha nahitabo nga pagbaha.
Ha pagkayana in padayun naman itun paningkamot han mga pamilya agud makabalik han dati nira nga kabutangan.
