TACLOBAN CITY – Usa nga 3-anyos nga bata nga lalaki an patay mahuman nga malumos ha San Juanico Strait, Brgy. 105 San Isidro, Suhi, Tacloban City.
Ginkilala an biktima kan alyas MJ ngan residente han GMA Kapuso Village, Brgy 106, Sto. Niño Tacloban City.
Sumala kan PLt. Col. Edwin Cañamaque, Information Officer hiton Tacloban City Police Office, dire upod han bata an iya tatay han malumos ine kundi an mga kaedad hine nga menor de edad.
Sumala pa daw han tatay han biktima, nangaro pa haiya hin ice cream an bata ugsa an panhitabo ngan waray daw ine magdadahom ngan mangangarigo an mga ine ha dagat kaupod an mga kamulay hine.
Gintotoohan naman nga kumusog an current han tubig rason nga nadara an bata ngan nalumos ine.
Gin dara panaman ine ha hospital pero gindeklara na ine nga dead-on-arrival.
