TACLOBAN CITY – Arestado an duha nga suspek ha nagin operasyon hiton mga otoridad ha syudad hiton Tacloban.
Ginkilala an mga ine kanda Welbert Mercado, 39-anyos ngan Ar-Jay, 25-anyos ngan mga residente han Barangay 62-B Sagkahan Tacloban City.
Sumala kan PMAJ. Marjorie Manuta, tagapagyakan hiton Tacloban City Police Office, nga nakumpiskar ha posisyon han mga suspetsado an 7 ka sachet han gintutuohan nga shabu nga mayda estimated market value nga maabot ha P40,000.
Dugang pa han mao nga opisyal nga napalit ha posisyon han mga suspek an maabot ha P20,000 upod na an P500.00 bill nga budol money.
Mababaruan nga an suspek nga hi Welbert in gawas-sulod ha presuhan, sanglit nga maro na ine kaduro nga magbuhat hin dire maupay kun nakakagawas.
Hapagkyana aada na ine ha kustodiya hiton kapulisan, ngan maatubang ha kaso nga pagtalapas ha Sec. 5 and 11 han R.A .9165 o an Comprehensive Dangerous Drugs Act of 2002.
