TACLOBAN CITY- Samaran an duha nga lalaki, mahuman ine nga pagbun-on ha sulod han Naval Station ha Brgy. 88, Tacloban City.
Sumala kan Plt.Col. Edwin Cañamaque, Chief City Community Affairs and Development, Tacloban City Police Office, nga subay ha ira gindumara nga imbestigasyon, an duha nga biktima in nakadto ha sulod han ira istasyon, kun diin dayon la nga sumulod an suspek nga mayda dara nga kutsilyo, guntingn ngan mga toothpick.
Dugang pa han ira nakuha nga imbestigasyon, dayon nga ginpanmuno han suspek an duha nga biktima, kun diin nakag-angkon an mga ine hin samad, ngan dayon liwat nga gintagan hin medikal nga atensyon.
Mababaruan, nga ada ha ilarom han makahurubog nga irimnon an suspek, rason nga nahimo niya an nasabi nga krimen.
Nakuha naman ha posisyon han suspek an iya mga dara nga gamit, ngan ha pagkayana ada na ine ha kostudiya han kapulisan, ngan maatubang ha kaso nga Frustrated murder.
