TACLOBAN CITY – Patay na han mga marekober han mga otoridad an duha nga mga menor de edad nga Construction workers nga kun diin nahireport nga natabunan ha natabo nga landslide ha Libas, Elementary School, Lavezares, Northern Samar.
Sumala kan Rei Echano, Head ng Provincial Disaster Risk Reduction and Management Council (PDRRMC -Northern Samar) nga mahuman an pira ka oras nga Search and retrieval Operation in nakit-an nga waray na kinabuhi an mga biktima nga ginkilala nga hira Jonnel Nabor at Elmer Abayon , 17 anyos ngan residente han Brgy. Kalabog, Victoria, Northern Samar.
Nabaruan nga nagtratrabaho an mga biktima ha usa nga construction site han mao nga eskwelahan han magtimpag an tuna harani ha bukid.
Posible daw nga an waray wantas nga pag-inuran an naguing rasun han pagbigay han tuna.
Sobra naman an pagkasubo han pamilya tungod han ginadangatan han duha nga menor de edad.
