TACLOBAN CITY – Maabot ha 17 nga mga Person Deprived of Liberty PDls, an naka-botos han nakalabay nga bulan ha gindumara nga Barangay ngan Sanguniang Kabtaan Election 2023.
Sumala kan Fire Inspector Fe Reynalda Chan, Jail Warden Female Dormitory Tacloban City, nga an nasabi nga panbotos han mga preso in didto la mismo gindumara ha ira departamento.
Dugang pa han nasabi nga opisyal, nga maka-duha na bomotos an mga preso ine in an National Election ngan an Barangay ngan Sanguniang Kabataan Election.
Ine nga pitad in padayon nga ginhahatag nga opurtunidad para ha mga preso agud nga makabotos gihapon an mga ine sugad han normal nga nanginginabuhi ha gawas hiton selda.
Mababruan nga una hine, nagkamayda anay hin panga-ngampanya an mga kandidato ha sulod mismo han presuhan, kun diin gintugutan an kada kandidato nga igplastar an ira mga plataporma ha tagsa-tagsa nga barangay.
