TACLOBAN CITY– Nagpagawas hin datos an Philippine Drug Enforcement Agency kabahin han ira mga malinampuson nga paglimpyo ngan pagdakop han mga drug personalities ha nasud, nga umabot na ha 13,497 yana nga tuig.
Base sa bag-ong datos tikang ha Philippine Drug Enforcement Agency o PDEA, umabot ha 10,161 nga operasyon an gindumara, kun diin mayda 13,497 nga drug personalities an nadakpan hiton PDEA tikang han Enero 1 ngadto ha Marso 31, 2025 kun diin mayda ine kabug-usan nga estimated market value nga P6.90 billion.
Umabot naman ha 26.86 ka- tonelada nga droga an nakuha kun diin mayda naman ine P106.83 billion nga kantidad an ginguba hiton PDEA tikang ha 2020 -2024.
Ha kaluyo nga hurak an ilegal nga droga ha nasud, padayon ine nira nga lilimpyuhan ngan dadakpon.
Sumala kan PDEA Regional Office 8, Information Officer, Rogelette Ugel, nagdudumara gihapon hira hin mga prevention campaign program sugad hiton drug abuse education, prevention initiatives, assistance to treatment and rehabilitation ngan magin baranggay drug clearing program o BDCP kun diin umabot ha 29,390 kabug-usan nga ihap an nalimpyuhan kalakip na an probinsya han Eastern Visayas.
