TACLOBAN CITY – Ginpasaradhan an 13 nga water refilling stations kahuman ginbuhat an force stop operation ha syudad han Tacloban.
Sumala kan Gemmafiel Gaspay, Head Business Permits and Liscencing Division, ginpasara an 12 nga water refilling stations ngan 1 water distributor kahuman masabtan nga an 4 hine nga na-operate dapit ha North Tacloban, in waray business permit, ngan an iba naman nga water refilling stations in gin pasara kahuman ig-report ha City Health Office tungod nga waray ine sanitation ha ira stasyon.
Dugang pa ni Gaspay, nag positibo hiton Coliform Bacteria ngan E-coli an tubig han mga refilling stations nga gin report ha City Health Office.
Gin sigurado naman hine nga dire makag utro pag operate an mga ginpasara nga water refilling stations mintras dire hira nakuha hin permit ngan mag-comply hiton naka-set nga sanitation standards.
An Coliform ngan E-coli in mga mikroobyo nga matatad-an ha kontaminado nga tubig ine in tikang hiton hugaw han tawo ngan hayop kun diin nagdadara ine hin pagsusuka, pagsakit hiton ulo, cramps, ngan diarrhea kun makasulod ine nga bacteria ha lawas hiton usa nga indibidwal.
