TACLOBAN CITY– Naugbaw an maabot 11 nga panimalay ngan usa nga warehouse ha nahitabo nga sunog ha Gandara Samar.
Sumala kan SFO4 Archie Belida, Action Municipal Fire Marshal Gandara Municipal Fire Station, subay ha ira gindumara nga imbestigasyon nagtikang an kalayo ha nabayaan nga ginluluto, nga nagin rason han ka-ugbaw han maabot 11 nga panimalay ngan 1 nga warehouse.
Dugang pa ni Belida, madagmit nga nagsarang an kalayo matungod nga kadam-an ha mga panimalay in made of light materials, ngan dugangan pa nga mahangin-hangin an panahon.
Gindeklara naman nga fire control pasado alas 3:45 han kulop ngan fire out naman han alas 4:00 han kulop.
Waray naman may nasamaran o namatay ha nasabi nga sunog.
Ginbana-bana nga maabot hin purluminos P3.2M an inisyal nga ginbayaan nga danyos han sunog.
Ha lain nga bahin, dayon naman nga nakaghatag hin bulig an Local Government Unit han Gandara pinaagi han Municipal Social Welfare and Development Office (MSWDO) para ha mga pamilya nga naapektaran .
Kinmarawat an mga ine hin relief goods ngan iba pa nga basic necessities, ngan ginlalauman nga makakaghatag an lokal nga pangunyernuhan hin P15,000 nga cash assistance ha kada-pamilya nga apektado.
