-- Advertisements --
TACLOBAN CITY – Patay an usa nga biktima samtang samaran naman an 3 pa mahuman an natabo nga panmumuno ha Barangay Mobooc, San jorge, Western Samar.
Ginkilala an namatay nga biktima kan Jennifer Santiago, 40 anyos, asawa han suspek ngan residente han mao nga lugar samtang an mga samaran naman in hira Ricky Labong, 46 anyos; Lolito Tamor ngan Jose Tayang Jr., pareho mga magturutdo.
Sumala kan PLt. Ailyn Velarde, Information Officer han SPPO, subay ha inisyal nga imbestigasyon nga nakainom an mao nga suspek ngan ginpanmumuno an iya asawa ngan han ma eskapo na ini iya liwat ginkatapo ha dalan an 3 nga mga biktima ngan ginpanmumuno gihapon.
Dayon naman nga kumalagiw an mao nga suspek nga yana in padayon pa nga ginhahalpat han mga kapulisan.
