-- Advertisements --
TACLOBAN CITY – Naugbaw ha sunog an usa nga payag kalakip gihapon an usa nga nakaparada nga truck ha may Brgy. Owak, Hilongos, Leyte.
Sumala kan SFO1 Analyn Relampagos, Chief, Investigation and Intelligence Unit Hilongos Fire Station, nga subay ha imbestigasyon han mga otoridad, nga made in light material an nasabi nga payag kun diin nagtikang an sunog tikang ha mga bunot ngan may kalakip nga plastics ngan cartoons nga basura nga nagresulta naman han pagkakadabi han usa nga naka-parking nga truck ha ligid han karsada.
Maabot naman ha 70% an damage han truck, samtang bug-os naman nga naugbaw an nasabi nga payag.
Ginbabana-bana naman nga maabot ha Three Million Pesos (P3,000,000.00) an ginbabana-bana nga ginbayaan nga danyos ha mao nga sunog .
