NATIONAL – Gin manduhan ni Presidente Ferdinand Marcos Jr. an Department of Health (DOH) nga himuon an ngatanan nga paagi para himuon nga libre ngan mapahilawig an zero balance bill ha mga pampubliko nga hospital.
Sumala kan Herbosa, kaupod na hine an mga nagta-trabaho o an mga ada ha working class.
An nahitatabo daw manggud ha presente in an mga poorest of the poor la an nakakalibre ha mga hospital.
Mayda daw mga higayon nga nagbabayad la gihapon an mga ada ha nasabi nga kategorya kun nagpapatambal ha public hospitals mahitungod nga nagawas ha evaluation han mga social worker nga kun an usa nga pasyente in mayda trabaho in ginbubutang nga kaya hine magbayad han iya hospital bills.
Sanglit an mando ni Presidente Marcos, in himuon nga libre na ha ngatanan ngan ha bisan hino nga makadto ha mga public hospitals an bayad sugad han ginpatuman hadto ni anay Presidente Ferdinand Marcos Sr.
Kaupod ha target nga zero balance bill an libre nga operasyon, medisina, ngan laboratoryo.
