TACLOBAN CITY – Yinukot-yukot nga mga residente ha probinsya han Northern Samar an nagpapabilin la gihapon ha pagkayana ha mga evacuation centers mahitungod han waray wantas nga pag-inuran durot han malain nga panahon.
Sumala kan Rei Josiah Echano, Provincial Disaster Risk Reduction and Management Officer (PDRRMO) han Northern Samar, subay ha ira inisyal nga assessment maabot ha 20 nga mga panimalay an nawashout tungod han makusog nga uran.
Labot pa hini in nadistroso gihapon an Dalakit Boulevard nga di pala iha nga nakompleto an konstruksyon.
Maabot naman ha 883 nga mga pasaheros ngan 390 rolling cargoes an na-stranded ha mga pantalan ha Northern Samar.
Ha pagkayana in padayon pa an monitoring ngan assessment han PDRRMO ha kabug-usan nga danyos nga naidurot ha bug-os nga Northern Samar han nahitabo nga pag-inuran hin makusog.
