METRO MANILA – Ha kaluyo han nagtitikahitaas nga presyo han lana ngan iba pa nga gastuson durot han krisis ha Middle East, ginsigurado han mga grupo han industriya nga diri hira magtatanggal hin mga empleyado.
Sumala ha Federation of Philippine Industries ngan han Management Association of the Philippines, mas ginpipili han mga kompanya an pag-implementar hin mga pitad ha pagtitipid ngan pag-adjust han ira operasyon kaysa an mag-iban hin mga empleyado.
Ginpahayag ni Elizabeth Lee nga may-ada supresyente nga imbentaryo ngan mga mitigating measures agud maakos an epekto han krisis, samtang ginmalatumat ni Donald Lim nga mas maupay nga mag-iban hin gastos ha kuryente, gasolina, ngan mga biyahe han kompanya kaysa an mag-iban hin tawo.
Kaupod ha mga ginkokonsidera nga pitad han mga negosyante in amo an pag-implementar han carpooling, mas halipot nga workweek, ngan an kombinasyon han onsite ngan work-from-home setup para ha ira mga trabahante.
Sugadman, nagpahimatngon an mga business group nga kun mag-iiha hin usa ka-tuig an krisis, posible nga humitaas pa an presyo ha pagkaon ngan humamubo an consumer spending nga posible magdurot hin mas mahugot nga pitad ha operasyon.
