METRO MANILA – Titikangan na ha April 6 yana nga tuig, han Department of Agriculture an pandestribwer han ayuda ha mga parag-uma ngan parupangisda.
Ha pagdungog han PROTECT Committee han Senado, ginmalatumat ni Agriculture Sec. Francisco Tiu Laurel Jr. nga ginsigurado ha ira han Department of Budget and Management nga ire-release na an pondo han pan-ayuda ha April 2.
Makakarawat hin tig P2,325 tikang ha Presidential Assistance for Farmers and Fisher-folks an aada 4.175 million nga mga parag-uma ngan parupangisda.
Ginmalatumat pa han sekretarya nga mayda pa nabibilin nga pondo para ha fuel subsidy tikang ha mga nakalabay nga tuig pero aada la ha 40,000 an matatagan.
Gineksplikar ni Laurel nga apektado gihapon han paghitaas han produkto han petrolyo an mga parag-uma ngan mga parupangisda mahitungod nga nagamit an mga ini hin petrolyo ha ira mga makinarya.
