TACLOBAN CITY – Ginkumpirma han Traffic Operation Management and Enforcement Control Office o TOMECO nga igpapatuman an two-way traffic lane ha pira nga karsada han Tacloban City nga anay one-way.
Sumala kan TOMECO Enforcement and Operation Division Chief, Jobz Lagutan nga base ha ginanunsiyo ni Tacloban City Mayor, Alfred Romualdez nga ig i-implementar an two-way ha kakarsadahan han Zamora Street, Burgos Street, ngan Gomez Street.
Panuyuan hini nga bag-o nga traffic scheme in agud suportaran an mga pampubliko nga transportasyon partikular na an mga Motorcycle For Hire o MCH nga dire magkunsomo hin dako nga fuel ha paglinibot han kakarsadahan han Tacloban, in labi na nga naghi-hinitaas an presyo hiton produkto han lana ha merkado kasunod han kasamok ha Middle East.
Dugang pa ni Lagutan nga gina-adman gihapon han city government an posibilidad nga ig-extend an two-way traffic ha mga kakarsadahan han Real Street,
Justice Romualdez Street, Rizal Avenue, ngan Avenida Veteranos.
Samtang, nakatalaan naman ini nga bag-o nga traffic arrangement mahuman an Semana Santa.
