TACLOBAN CITY – Nagpahimatngun an Tacloban City Hospital ha publiko ha mga sakit nga posible makuha yana nga katsirak.
Sumala kan Tacloban City Hospital Acting Chief, Dr. Gloria Fabrigas, nga hurak iton food poisoning kun mapaso iton panahon mahitungod nga madagmit magdamo ngan magsarang an mikrobyo ha pagkaon labi na kun ginpapabay-an ini ha room temperature.
Sanglit ginpapaghirot an publiko ha pagpalit ngan pagpreparar han pagkaon mahitungod nga nagkakagawas iton food and waterborne diseases kun dry season.
Masukot gihapon iton kaso han dehydration mahitungod han excessive sweating o pagbabalhas nga napahamubo ha lebel han tubig ha lawas ngan diarrhea ha mga naduktan han food poisoning.
Ginpahimatngun hini nga hurak gihapon kada mapaso iton panahon an sore-eyes, tipdas, ngan an heat stroke nga kun diin masukot ini maduktan an mga indibidwal nga mga may hitaas nga blood pressure ha lawas.
Samtang, dugang pa ni Fabrigas nga tanan naman hini nga sakit in nalikikayan, sanglit kinahanglan la nga magin mahirot ngan maglikay an publiko, adman an mga angay ngan dire angay buhaton yana nga mapaso iton panahon agud ma-enjoy han mga ini an summer season.
