TACLOBAN CITY – Ada ha walo nga kadagatan ha rehiyon an nagpapabilin nga positibo ha saxitoxin nga nagdudurot hin Paralytic Shellfish Poisoning kun diin mahitungod hine, ada la gihapon ha ilarom han Shellfish Ban an masunod nga kadagatan;
- 𝐁𝐈𝐋𝐈𝐑𝐀𝐍 𝐈𝐒𝐋𝐀𝐍𝐃, Biliran Province
- 𝐂𝐀𝐑𝐈𝐆𝐀𝐑𝐀 𝐁𝐀𝐘 (Babatngon, San Miguel, Barugo, Carigara, Capoocan, Leyte)
- 𝐃𝐀𝐑𝐀𝐌 𝐈𝐒𝐋𝐀𝐍𝐃, Samar
- 𝐙𝐔𝐌𝐀𝐑𝐑𝐀𝐆𝐀 𝐈𝐒𝐋𝐀𝐍𝐃, Samar
- 𝐂𝐀𝐌𝐁𝐀𝐓𝐔𝐓𝐀𝐘 𝐁𝐀𝐘, Tarangnan, Samar
- 𝐌𝐀𝐓𝐀𝐑𝐈𝐍𝐀𝐎 𝐁𝐀𝐘 (General MacArthur, Quinapondan, Hernani, ngan Salcedo)
- 𝐈𝐑𝐎𝐍𝐆-𝐈𝐑𝐎𝐍𝐆 𝐁𝐀𝐘, Catbalogan City
- 𝐌𝐀𝐐𝐔𝐄𝐃𝐀 𝐁𝐀𝐘, Samar (Jiabong, Motiong, Paranas, San Sebastian, Calbiga, Pinabacdao, Hinabangan)
Mahugot naman nga igindidiri an panguha, pagkaon, ngan pangolekta han ngatanan nga klase hin pangti-on o shellfish ngan Acetes sp. “Alamang” nga tikang ha nasabi nga mga kadagatan. An hin-o man nga magtatalapas ha Shellfish Ban in mag-aatubang hin kaangatan nga sirot ngan penalidad.
Samtang, ada naman ha ilarom han local red tide warning an kadagatan han Leyte, Leyte ngan Calbayog City ha Samar mahitungod nga an filtered seawater samples nga gin kolekta tikang ha nasabi nga kadagatan in nag-positibo ha Pyrodinium Bahamense, usa nga dinoflagellate nga naggagawas hin red tide toxin.
Ginhahangyo naman an ngatanan nga maglikay la anay ha panguha, pagkaon, ngan pagbaligya han mga pangti-on ngan alamang tikang ha nasabi nga kadagatan.
