METRO MANILA – Nagsumite na hin pormal nga baton hi Vice President Sara Duterte ha duha nga impeach complaints nga ginpasaka ha iya ha House Committee on Justice.
Sumala kan Committee member ngan Bicol Saro Party-list Rep. Terry Ridon, naisumite han Bise Presidente an iya reply dida han Lunes.
Sumala ha aludayday han impeachment proceedings, may 10 ka-adlaw an respondent agud batunon an reklamo kutob makarawat an abiso.
Mahitungod nga nakarawat ni VP Sara an notice dida han Marso 5, an deadline in Marso 15 pero gin-ugsod kutob Marso 16 mahitungod na ngada ini ha Dominggo.
Ha ilarum han House rules, may tulo ka-adlaw an mga complainant agud bumaton ha respondent, samtang may kadugangan nga tulo ka-adlaw an respondent agud magsumite han rejoinder kaupod an mga affidavit ngan ebidensya.
Ha presente, duha ha upat nga impeachment complaint an nagpapabilin nga gindudungog han justice panel mahuman ginpapiliw an siyahan mahitungod ha one-year bar rule ngan ginbawi an ikaduha nga reklamo. Kaupod ha mga ginpasaka kontra kan Bise presidente an daw sayop nga paggamit han confidential funds ngan iba pa nga posible nga pagtalapas ha 1987 Constitution.
