Gin sugo han gobyerno han Pilipinas an Meta Platforms Inc. nga mas pahuro-hugoton an pag pugong han pagkalat han fake news ug diri sakto nga mga impormasyon ha mga plataporma hini, kasumpay han pagpahimtangon hin posible nga legal na aksyon kun diri ini dayon gumios.
Ha ilarom han surat dida han Abril 10 para kan Meta Platforms, Inc. Chief Executive Officer, Mark Zuckerberg, in gin malatumat han Deparment of Information and Communications Technology (DICT) ngan Presidential Communications Office (PCO) nga an disinformation in natalapas ha balaod ug nagdudurot hin piligro ha kaayusan, ekonomiya, ngan seguridad han nasud.
Gin papapirma han gobyerno han Pilipinas an Meta nga kumpermahon an surat ha sakob han 48 ka oras ug magsumiter hin plano ha sakob hin pito ka adlaw.
Kun mapapakyas pag sumiter, in magbubuhat hin regulatory ug legal nga pitad an gobyerno.
Ginmalatumat pa han gobyerno nga an pagpapakalat hin sayop nga impormasyon sugad han peke nga balita kanit ha gin-aabat panlawas han mga opisyal han gobyerno, sayop nga anunsyo ha presyo han lana, ug iba pa in nagdudurot hin ka warayi pag tapod han publiko.
Ginlalauman nga magpapatuman an Meta hin mas mahurohugot nga sistema kontra disinformation, kaupod na an madagmit nga pagtanggal han mga peligroso nga content kontra gobyerno.
Iginduon pa han gobyerno nga nanginginahanglan ini hin dayon nga aksyon agud maproteharan an publiko kontra ha pagpapanic ngan destabilization durot han sayop nga impormasyon.
