Utro nga nanawagan hi Senator Imee Marcos ha gobyerno nga suspendiron an Value-added Tax (VAT) ha mga produkto han petrolyo agud maibanan an epekto han padayon nga paghitaas han presyo han krudo ha sektor han pangingisda ngan agrikultura.
Subay kan Sen. Marcos, gin aabat na ha iba-iba nga parte han nasud an bug-at han gastos ha diesel nga haros diri na makapangisda an mga mangirisda mahitungod han mahal nga presyo han krudo. Nagpahimatngon pa hi Marcos nga puydi ini makagkawsa hin ka lugi ha mga gudti nga mangirisda kun diri dayon bubuligan han gobyerno.
Kasumpay hini, igin suhestyon han senadora an pansamantala nga pagtanggal han VAT ha petrolyo partikular na para ha mga municipal fisherfolk ug ha mga rehistrado nga commercial fishing operators han Bureau of Fisheries and Aquatic Resources (BFAR).
Gin tagan duon pa hini an panginhanglan han dayon nga aksyon agud maibanan an hitaas nga gastos ha produksyon han mga mag-uruma ug mangirisda nga puydi makaapekto ha suplay han pagkaon ug makagdurot hin paghitaas han presyo han mga pangunahon nga papliton ha mga merkado.
Sumala ha mambaralaod, kun akos mag hatag hin tax relief ha iba nga sektor, mas angay la nga unahon an mga sektor nga pangunahon gin kukuhaan hin pagkaon han nasud.
