NATIONAL – Gin kwestyon ni Vice President Sara Duterte an ihap nga 30,000 nga daw namatay ha kampanya kontra droga nga ginlunsar ni anay Presidente Rodrigo Duterte. Gintagan duon gihapon hine nga kinahanglan hin madig-on nga ebidensya nga masuporta ha nasabi nga ihap han mga namatay mahitungod nga nagpapabilin nga dire kumbinsido an opisyal ha nasabi nga mga alegasyon ngan gin aaro hine an konkreto nga datos agud mapamatud-an an ginyayakan nga 30,000 death toll.
Sumala kan VP Sara, ha presente in 181 nga ebidensya pala an naihahatag ngan naipapasa ha prosekusyon ha International Criminal Court kasumpay han mga kaso han daw pamatay ha drug war kun diin in igin duon hine nga harayo daw an nasabi nga ihap ha yinukot-yukot nga daw ihap han mga nagkamamatay nga ginsusumpay ha kampanya.
Dugang pa hine, patiunan-o daw mapapamatud-an an ginyayakan nga 30,000 nga biktima han drug war kun waray naman naipapakita nga kompleto nga listahan han mga ngaran han mga namatay ngan kun diin naka-base an nasabi nga ihap. Gintagan-duon pa hine nga ha presente in dire pa naabot ha 50 an ihap han nga nasigurado o nakilala nga mga biktima.
Ha nasabi nga ihap, 43 pala daw an kumpirmado nga biktima nga kaparehas naman han 43 counts of murder, kun diin harayo ine ha ginyayakan ha mga report nga 30,000 nga indibidwal nga namatay ha ilarom han anay administrasyon.
